Քիչ առաջ հերթկան լուրջ բախումներն են արձանագրվել Ուկրաինայի կառավարության շենքի դիմաց: Այս մասին հաղորդում է RIA-Novosti գործակալությունը:
Ոստիկանությունը ստիպված է եղել մահակներ և արցունքաբեր գազ օգտագործել բողոքողներին հետ մղելու համար: Այստեղ է ժամանել «ՈՒԴԱՌ» կուսակցության առաջնորդ, նախկին բռնցքամարտիկ Վիտալի Կլիչկոն, ով ելույթ է ունեցել հավաքվածների առաջ. «Մենք շարունակելու ենք մեր ակցիաներն այնքան ժամանակ, քանի դեռ չի ստորագրվել Եվրամիության հետ ասոցացման համաձայնագիրը: Մենք պահանջում ենք կառավարության հրաժարականը և չեղյալ հայտարարել եվրաինտեգրման դադրեցման որոշումը», — ասել է Կլիչկոն:
Հայտնի է, որ կառավարության շենքի գրոհի կազմակերպման փաստով հարուցվել է քրեական գործ:
Հիշեցնենք, որ նախօրեին բազմահազարանոց հանրահավաքի ժամանակ արձանագրվել են բազմաթիվ բախումներ:
