Արգենտինայի նախագահ Քրիստինա Կիրշներն այսօր կենթարկվի վիրահատության, կհեռացվի գանգուղեղային հեմատոման, որն առաջացել է հարվածի պատճառով։ Երկար ժամանակ նախագահը բողոքում էր գլխացավերից։ Երեկ նա ուժեղ նոպաներով տեղափոխվել էր հիվանդանոց, որտեղ վիրահատելու որոշում է կայացվել։
Կիրշների բացակայության ժամանակ երկրի ղեկավարի պաշտոնը կստանձնի փոխնախագահը։ Սա Կիրշների նախագահական պաշտոնավարման շրջանում առաջին լուրջ վիրահատությունը չէ . նախորդ տարի վիրահատվել էր նրա վահանաձև գեղձը, բժիշկները կասկածում էին, որ նա հիվանդ է քաղծկեղով։
Այսօրվա վիրահատությունն արվում է Կիրշների համար շատ անհարմար պահի․ երեք շաբաթ անց երկրում կանցկացվեն խորհրդրանական ընտրություններ։ Կիրշները, փաստորեն, չի կարող ակտիվ մասնակցություն ունենալ իր կուսակցության քարոզարշավին։
