Այսօր ԱՄՆ-ում մեկնարկում է «սև ուրբաթը»՝ նախատոնական զեղչերը։ Այս մասին հաղորդում է Associated Press գործակալությունը։
Ավանդաբար զեղչերի սեզոնը սկսվում է Գոհաբանության տոնի հաջորդ օրը, ինչին ամերիկացիները նախապես են պատրաստվում։ «Սև ուրբաթը» համարվում է տարվա ամենակարևոր օրը «շոփինգի» համար։
Այս տարի զեղչերը սկսվել են մեկ օր շուտ, բայց կպահպանվեն նաև հաջորդ օրերին։ Այս որոշումը, այդուհանդերձ, հարուցել է խանութների շատ աշխատակիցների դժգոհությունը, ովքեր չեն ցանկացել աշխատել ԱՄՆ-ում ամենասիրված և կարևոր տոներից մեկին։
