Հնդկաստանում այսօր նշվում է ավանդական Հոլի տոնը։ Աշխարհի ամենաուրախ տոներից մեկը համարվող Հոլիի ժամանակ մարդիկ գունավոր ջուր են ցողում մեկը մյուսի վրա, բուսական հումքից պատրաստված գույներով են ներկում մեկը մյուսին։ Այս տոնը նվիրված է գարնանը և բնության վերածննդին։ Այն հստակ ժամկետ չունի, և նշվում է մարտ ամսի երկրորդ տասնօրյակում։ Հնդիկները կարծում են, որ այս տոնը վերացնում է մարդկանց միջև սոցիալական սահմանները, քանի որ բոլորը հավասարապես ներկված են լինում նույն գույներով։
