Այսօր Ազգային Ժողովում քվեարկության դրվեցին Կառավարության կողմից ներկայացված մի քանի անետաձգելի օրինագծեր:
Պետական կենսաթոշակների մասին ՀՀ օրենքում փոփոխություններ եւ լրացումներ կատարելու մասին ՀՀ օրենքը երկրորդ ընթերցմամբ եւ ամբողջությամբ ընդունելու մասին քվեարկությանը կողմ քվեարկեց թվով 100 պատգամավոր, ձեռնպահ մնաց 6-ը, դեմ քվեարկող պատգամավոր չեղավ:
Մի շարք օրենսդրական նախաձեռնություններ քվերակության դնելուց հետո, ԱԺ նախագահ Հովիկ Աբրահամյանը հայտարարեց, որ այսօր խորհրդարանում կքննարկվի պետբյուջեն, իսկ վաղը այն կդրվի քվեարկության:
«Վաղը մենք կքվերակենք եւ առաջին նիստից հետո կավարտվի մեր արտահերթ նստաշրջանը»,-ասաց Աբրահամյանը:
Հիշեցնենք, որ երեկ Ազգային Ժողովում մեկնարկել էր արտահերթ նստաշրջանը, որտեղ քննարկվում են եւ քվեարկության դրվում մի շարք անհետաձգելի համարվող օրինագծեր:
