Եվրոպա լիգայի փլեյ օֆֆ փուլում «Դյուդելանժի» հետ դիմակայությունից դուրս մնալուց հետո «Արարատ-Արմենիայի» սեփականատեր Սամվել Կարապետյանը դիմել է ակումբի ֆուտբոլիստներին, մարզչական կազմին ու ֆուտբոլասերներին:
«Չնայած հաղթանակի հասնելու համար մեզ ընդամենը մեկ խփած գնդակ չբավականացրեց, թիմը հանդես եկավ բարձր մակարդակով՝ ցուցադրելով իրական համախմբվածություն ու նպատակասլացություն:
Ցանկանում եմ շնորհակալություն հայտնել ֆուտբոլիստներին և մարզչական կազմին պայքարի և հաղթանակի հասնելու կամքի համար:
Ուզում եմ առանձնահատուկ շնորհակալություն հայտնել այն բազմաթիվ երկրպագուներին, ովքեր աջակցում էին մեր ֆուտբոլիստներին, ինչպես նաև մեր ողջ երկիրը: Սա արժանավայել խաղ էր:
Այժմ մենք ունենք ազգային թիմ, որով կարող ենք իրավամբ հպարտանալ: Վստահ եմ, որ ակումբին առաջիկայում դեռ նոր բազմաթիվ նվաճումներ են սպասում»,- ասել է ակումբի սեփականատերը, որի խոսքն է մեջբերում ակումբի մամուլի ծառայությունը:
