«Գալաթասարայի» հարձակվող Դիդյե Դրոգբան կարող է տեղափոխվել «Նյու Յորք Ռեդ Բուլզ», որը հանդես է գալիս ամերիկյան MLS-ում։ Այս մասին հայտնում է Sport Mediaset-ը։
Կոտ դ’իվուարցի ֆուտբոլիստի գործող պայմանագիրը թուրքական ակումբի հետ ավարտվում է ընթացիկ տարվա վերջին, այդ իսկ պատճառով նա կտեղափոխվի այլ ակումբ հունիսին։
Հիշեցնենք, որ 35-ամյա Դրոգբան տեղափոխվել է «Գալաթասարայ» 2013 թվականի հունվարին, որից հետո Թուրքիայի առաջնությունում և Չեմպիոնների լիգայում մասնակցել է 40 հանդիպման, դարձել 15 գոլի և 8 գոլային փոխանցման հեղինակ։
