ԱՄՆ-ի արևմուտքում վերջին մի քանի օրերի ընթացքում տեղի ունեցած փոթորիկների և ձնաբքի հետևանքով զոհվել է 13 մարդ։ Այս մասին հաղորդում է NBC-ն։ Հետաձգվել են հարյուրավոր չվերթներ։
Ամենաշատը տուժել է Կալիֆոռնիա նահանգը, որտեղ քամու ուժգնությունը հասել է ժամում 90 կիլոմետրի։ Ջրի տակ են անցել այդ նահանգի որոշ շրջաններ։ Տուժել են նաև Արիզոնա և Նյու Մեքսիկո նահանգները։ Ավելի վաղ հաղորդվում էր 8 զոհի մասին։
