ԱՄՆ-ում անհայտ անձը վիճակախաղով շահել է 16 մլն դոլար: Սակայն նա մինչև հիմա չի եկել իր գումարի հետևից: Եթե մինչև վաղը նա չներկայանա վիճակախաղի կազմակերպիչներին, ապա այն կդառնա Ֆլորիդայում ամենամեծ ջեքփոթերից մեկը, որի շահողն այդպես էլ անհայտ է մնացել: Այս մասին հաղորդում է Associated Press գործակալությունը:
Խաղարկությունը տեղի է ունեցել 180 օր առաջ: Նման դեպք տեղի է ունեցել 2003 թվականին, երբ անհայտ հաղթողը չի վերցրել 53 մլն դոլարանոց ջեքփոթը: Տեղի բնակիչները կարծում են, որ հաղթողը պարզապես կորցրել է տոմսը կամ նետել այն:
