 ԱՄՆ-ում վերաբացվում են այն տեսարժան վայրերը, որոնք փակվել էին բյուջեի հետ կապված ճգնաժամի պատճառով,- հաղորդում է BBC-ն:
Ազատության արձանը, Մեծ Կանյոնը և այլ հայտնի ամերիկյան հուշարձաններ կվերաբացվեն մասնավորապես Արիզոնա և Նյու Յորք նահանգների բյուջեների միջոցներով:
Համաձայն BBC-ի թղթակցի հայտնած տեղեկությունների՝ հնարավոր է , որ ԱՄՆ մյուս նահանգները նույնպես որոշում ընդունեն դաշնային զբոսավայրերը սեփական միջոցներով ֆինանսավորելու մասին:
Հիշեցնենք, որ ԱՄՆ Կոնգրեսի երկու կուսակցությունների հակամարտության հետևանքով առաջացած բյուջետային ճգնաժամի պատճառով երկրում հարյուրհազարավոր պետաշխատողներ, որոնք աշխատավարձ էին ստանում դաշնային բյուջեից, ուղարկվել են չվճարվող արձակուրդի: |
