ԱՄՆ-ում հնարավոր են համարում, մինչև հուլիսի 20-ը, Իրանի և «վեցյակի» միջև իրանական միջուկային ծրագրի վերաբերյալ վերջնական փաստաթուղթ ստորագրելը։ Այս մասին հաղորդում է Reuters գործակալությունը՝ հղում կատարելով Վիենայի բանակցություններում ամերիկյան պատվիրակության իր աղբյուրին։
«Շատ էական խնդիրներ առայժմ սեղանի վրա են, սակայն ես կարծում եմ, որ մենք կկարողանանք հասնել համաձայնության», — ասել է աղբյուրը։
Հիշեցնենք, որ անցած տարվա վերջին ստորագրված համաձայնագրից հետո բանակցությունները շարունակվել են արդեն այս տարվա սկզբին։ Դրանց հերթական փուլը մեկնարկել է երեկ։
