ԱՄՆ-ում համացանցային գովազդի ծախսերը նոր ռեկորդ են գրանցել՝ 2013 թ. երրորդ եռամսյակում հասնելով $10,7 մլրդ-ի։ Այս մասին ասվում է Ինտերակտիվ գովազդի գրասենյակի (Interactive Advertising Bureau) և PricewaterhouseCoopers աուդիտորական ընկերության համատեղ զեկույցում, հաղորդում է ИТАР-ТАСС-ը։
Նախորդ տարվա համեմատ, ինտերնետ գովազդի ծախսերը աճել են 15 %-ով։ Ուսումնասիրության հեղինակները նշել են, որ ԱՄՆ-ում այդ ցուցանիշները վերջին տարիներին կայուն աճ են գրանցում։ Ըստ նրանց՝ համացանցային գովազդը «չափազանց արդյունավետ է, որովհետև մարդիկ գնալով ավելի ու ավելի շատ ժամանակ են անցկացնում համակարգչի առաջ»։
