ԱՄՆ-ի իշխանությունները հայտնել են, որ իրավապահները կարողացել են կանխել ահաբեկչական ակտը, որը չարագործները մտադիր էին իրականացնել Քանզա նահանգի Վիշիտա քաղաքի օդանավակայանում։ Այս մասին հաղորդում է Reuters գործակալությունը։
Ձերբակալվածն իրեն հռչակել է ջիհադի մարտիկ, և անդամակցել է «Ալ-Կաիդա» խմբավորմանը։ Նա բնակվել է Վիշիտա քաղաքում։ Թերի Լոուենը ձերբակալվել է, երբ պայթուցիկով ցանկացել է մուտք գործել թռիչքուղի։ Նշվում է, որ մինչ այդ, նա երկար ժամանակ արդեն գտնվում էր հատուկ ծառայությունների վերահսկողության տակ։
Իշխանությունները հաղորդել են, որ ռումբը, որով ահաբեկիչը փորձել է մուտք գործել օդանավակայան, չէր կարող պայթել, քանի որ պատրաստված էր եղել հատուկ ծառայությունների կողմից։
