ԱՄՆ-ում խաղարկվել է այդ երկրի պատմության ամենամեծ ջեքփոթերից մեկը։ Mega Millions վիճակախաղի ընդհանուր խաղարկված գումարը կազմել է 636 մլն դոլար։ Այս մասին հաղորդում է BBC-ն՝ նշելով, որ առայժմ հայտնի չէ, թե ով է դարձել այդ գումարի հաղթողը։ Սակայն ABC-ին հաջողվել է պարզել, որ հաղթողները երկուսն են՝ Կալիֆոռնիա և Ջորջիա նահանգներից։
Հիշեցնենք, որ 2012 թվականի մարտին այդ նույն վիճակախաղով խաղարկվել էր 640 մլն դոլարի ջեքփոթ։ Հաղթելու հավանականությունը հավասար է մեկը 259 միլիոնի։
