Ռումինիայում ամերիկյան հակաօդային պաշտպանության համակարգերի օբյեկտների շինարարությունը կսկսվի հոկտեմբեր ամսին: Այս մասին հայտնել է պաշտպանական գերատեսչության մամուլի պատասխանատու Ջոնջ Լիթլը:
Նրա խոսքերով, այս հարցը քննարկվել է Պենտագոնի ղեկավար Չակ Հեյգելի և նրա ռումիացի գործընկերոջ միջև: «Նախարար Հեյգել շնորհակալություն է հայտնել Ռումինիային Aegis Ashore ՀՕՊ համակարգի տեղադրումը սեփական տարածքում թույլատրելու համար` նշելով, որ դա թույլ կտա ամրապնդել համատեղ պաշտպանությունը ՆԱՏՕ-ի շրջանակներում»,- ասել է Լիթլը: Նա նաև նշել է, որ ՀՕՊ համակարգը կսկսի գործել 2015 թվականից:
