ԱՄՆ կոնգրեսի հանրապետական սենատոր Ջոն Մաքքեյնը ուկրաինական «Ինտեր» հեռուստաալիքի եթերում հայտարարել է, որ ԱՄՆ-ն Ուկրաինային կտրամադրի 100 մլն դոլարի ռազմական օգնություն։ Այս մասին հաղորդում է «Ուկրաինասկայա պրավդա»-ն։
Նրա խոսքերով՝ ամերիկյան սենատորների մի մեծ խումբ նախապատրաստում է օրենք, որը թույլ կտա Ուկրաինային տրմադրել ոչ միայն տնտեսական, այլ նաև ռազմական օգնություն՝ «դիմակայելու ռուսական ռազմական ագրեսիային»։
«Մենք ցանկանում ենք Պուտինին հասկացնել, որ նա բարձր գին է վճարելու, եթե ցանկանա պոկել Ուկրաինայի արևելքը կամ նույնիսկ՝ հարավը», — ասել է նա։ Մաքքեյնը խոստովանել է, որ օրենքի ընդունումը կարող է ձգձգվել, իսկ ժամանակը տվյալ դեպքում «աշխատում է մեր դեմ»։ Նա խոստացել է, որ ամեն հնարավորը կանի, որպեսզի համոզի ԱՄՆ նախագահ Բարաք Օբամային ռազմական օգնություն ցուցաբերել Ուկրաինային։ Մաքքեյնը վստահ է, որ ներկայում Ռուսատսանը հաշվարկում է իր ուժերը, ռազմական ուժեր կենտրոնացնում, սադրիչներ ուղարկում։
«Իրականում նա ոչ միայն մտածում է Ուկրաինայի արևելքի, այլ նաև հարավի, Մոլդովայի և Մերձդնեստրի գրավման մասին», — կարծիք է հայտնել Մաքքեյնը՝ վստահություն հայտնելով, որ այդ դեպքում Մոսկվան ամբողջությամբ կմեկուսացվի։
