ԱՄՆ նախագահ Բարաք Օբաման հրամայել է Բաղդադ ուղարկել ամերիկացի 350 զինվորական, որոնք կպաշտպանեն այդ երկրում ԱՄՆի դիվանագիտական ներկայացուցչությունը։ Այս մասին հաղորդում է Associated Press գործակալությունը։
«Նախագահը լիազորել է պաշտպանության նախարարությանը` պետքարտուղարությանը հայտ ներկայացնել Բաղդադում դիվանագետներին պաշտպանելու համար ևս 350 զինվորական ուղարկելու համար», — ասվում է հաղորդագրության մեջ։
Ներկայում ամերիկյան կողմը օդային հարձակումներ է իրականացնում Հյուսիսային Իրաքում գործող իսլամիստների դեմ, որոնք սպառնում են գրավել ամբողջ երկիրը և ծավալվել Մերձավոր Արևելքում։
