ԱՄՆ հատուկ ծառայությունների նախկին գործակալ Էդվարդ Սնոուդենը կարծում է, որ ԱՄՆ-ն թույլ չի Եվրամիությանն իրեն Եվրոպայում ապաստան տրամադրել։
«Ես բազմիցս ապաստան եմ խնդրել Եվրոպայում, սակայն թույլտվություն չեմ ստացել։ ԱՄՆ-ն թույլ չի տալիս ԵՎ-ի իր գործընկերներին ինձ քաղաքական ապաստան տրամադրել», — Սնոուդենի խոսքերն է փոխանցում «ԻՏԱՌ-ՏԱՍՍ»-ը։
Հիշեցնենք, որ ներկայում Ռուսաստանում քաղաքական ապաստան գտած Էդվարդ Սնոուդենը արտասահմանյան ամենահեղինակավոր պարբերականներին տրամադրում է ամերիկյան հետախուզության գաղտնի փաստաթղթեր, որոնք հիմնականում վերաբերում են ամերիկյան գաղտնի ծառայությունների կողմից օտարեկրացիների լրտեսմանը: Այս փաստթղթերից նաև պարզ է դարձել, որ ԱՄՆ-ն գաղտնալսում է համաշխարհային առաջնորդներին, այդ թվում` իր դաշնակից պետությունների ղեկավարներին։
