ԱՄՆ հետաքննությունների դաշնային բյուրոյի (ՀԴԲ) տնօրեն Ջեյմս Կոմին ասել է, որ ԱՄՆ-ը և Ռուսաստանը ինտենսիվացրել են համագործակցությունը՝ Սոչիում կայանալիք օլիմպիական խաղերի նախօրեին։ Այս մասին հաղորդում է The Wall Street Journal-ը։
ՀԴԲ-ի ղեկավարի խոսքերով՝ Ռուսաստան են գործուղվել մի քանի տասնյակ գործակալներ և այլ մասնագետներ, որպեսզի ապահովեն Օլիմպիական խաղերի անվտանգությունը։ Շուրջ 2 տասնյակ գործակալներ կաշխատեն Մոսկվայում, մեկ տասնյակ՝ Սոչիում։ Նրանցից ոմանք արդեն ժամանել են Ռուսաստան։
