ԱՄՆ-ի ռազմաօդային ուժերի 34 սպա, ովքեր պատասխանատու են միջուկային հրթիռների համար, պաշտոնանկ են արվել այն բանից հետո, երբ հայտնաբերվել է, որ նրանք արտագրել են որակավորման քննությունների ժամանակ։ Այս մասին հաղորդում է BBC-ն։
Ռազմաօդային ուժերում հայտնել են, որ սպաները պատասխանները միմյանց փոխանցել են կարճ հաղորդագրությունների միջոցով։ Ռազմաօդային ուժերի ներկայացուցիչը սպաների այս պահվածքն անընդունելի է համարել՝ նշելով, որ շուրջ 200 հոգի ստիպված կլինի կրկին հանձնել քննությունը խիստ վերահսկողության պայմաններում։
