ԱՄՆ-ի 2020 թ. բյուջեի նախագծով ծրագրված է ռեկորդային՝ 132 միլիոն դոլար ֆինանսական աջակցություն հատկացնել Վրաստանին: Այս մասին հաղորդում է ryb.ru-ն՝ հղում կատարելով «Коммерсантъ»-ին:
Ամերիկա-վրացական հարաբերությունների պատմության մեջ հատկացված գումարը ռեկորդային է լինելու:
Ֆինանսական օգնությունը տրամադրվելու է «2020 ֆինանսական տարվա համար պետական դեպարտամենտի, արտաքին գործառնությունների և հարակից ծրագրերի հատկացումների մասին օրենքի» շրջանակներում:
Այն սահմանում է ԱՄՆ-ի առաջնահերթությունները գործընկեր երկրներին օժանդակելու և օգնելու հարցում:
Ընդհանուր առմամբ, հաջորդ տարվա ԱՄՆ բյուջեի նախագիծը նախատեսում է 285 միլիոն դոլար հատկացնել եվրոպական երկրներին և Եվրասիային, ներառյալ Վրաստանին, որոնք ուղղված են արևմտյան ինտեգրմանը աջակցելուն և ռուսական ազդեցությունը զսպելուն:
