ԱՄՆ կառավարությունը նախատեսում է շուտով վերջնական համաձայնության գալ Իրանի միջուկային հարցի վերաբերյալ։ Այս մասին ճեպազրույցի ժամանակ ասել է Սպիտակ տան խոսնակ Ջեյ Քարնին՝ պատասխանելով Իրանի, ԱՄՆ-ի և ԵՄ-ի ներկայացուցիչների միջև նոյեմբերին ձեռք բերված պայմանավորվածությունների շուրջ տեղի ունեցող բանակցությունների վերաբերյալ հարցին։
Այդ քննարկմանը մասնակցել են ԱՄՆ պետքարտուղարի տեղակալ Ուենդի Շերմանը, արտաքին քաղաքականության և անվտանգության ԵՄ բարձրագույն ներկայացուցչի տեղակալ Հելգա Շմիդտը և Իրանի փոխարտգործնախարար Աբաս Արաքչին։ «Հույս ունենք շուտով համաձայնության գալ պայմանավորվածությունների կիրառման հարցում»,- ասել է Սպիտակ տան ներկայացուցիչը։
