Ամերիկյան ֆոնդային ինդեքսները նոր ռեկորդներ են սահմանում

Ամերիկյան ֆոնդային բորսաները շարունակում են պատմական շեմեր հաղթահարել։ Նախօրեին Dow Jones-ն աճել է 0,45%-ով՝ կանգ առնելով 16294,61 կետին։ Այս մասին հաղորդում է BBC-ն։

Աճել են նաև Standard & Poor’s 500-ը՝ հասնելով 1804,76 կետի, ինչպես նաև բարձր տեխնոլոգիական NASDAQ-ը՝ 4148,90 կետ։

2013 թվականի սկզբից S&P 500-ն աճել է 26%-ով, իսկ Dow Jones-ն ավելի քան 40 անգամ հաղթահարել է պատմական շեմը։

Մասնագետները նման աճը պայմանավորում են Արժույթի միջազգային հիմնադրամի կանխատեսումների փոփոխությամբ, որոնք պայմանավորված են տնտեսական աճով, զբաղվածության ավելացմամբ, ինչպես նաև առաջիկա երկու տարիների բյուջեի հաստատմամբ։