Ամերիկացի գործարար Թոմ Լին պնդում է, որ 2003 թվականին օգնել է ԱՄՆ հետաքննությունների դաշնային բյուրոյին՝ հայտնաբերելու թիվ մեկ ահաբեկիչ Ուսամա բեն Լադենի գտնվելու վայրը։ Այս մասին տեղեկացնում է Sky News-ը։
63-ամյա գործարարը, ով զբաղվում է թանկարժեք քարերի վաճառքով, վստահեցնում է, որ ինքն է ասել, թե Բեն Լադենը գտնվում է Պակիստանում, այլ ոչ թե Աֆղանստանում։ Լին նաև հավելել է, որ 8 տարի շարունակ հատուկ ծառայություններն իմացել են նրա գտնվելու վայրը, սակայն կոնկրետ գործողությունների չեն դիմել։ Նա 25 միլիոն է պահանջել ԱՄՆ իշխանություններից՝ Բեն Լադենին հայտնաբերելու համար։
