Ալ-Մանսուր քաղաքում տեղի ունեցած ահաբեկչությունից հետո, երկրի վարչապետ Հազեմ Ալ-Բաբլաուին «Մուսուլման եղբայրներ» կազմակերպությանն անվանել է ահաբեկչական։ Այս մասին հաղորդում է եգիպտական MENA գործակալությունը։
«Այս ահաբեկչությունները չեն ստիպի մեզ հետ կանգնել «ճանապարհային քարտեզի» իրագործման ճանապարհից և չեն խանգարի եգիպտացիներին զանգվածային գնալ հանրաքվեի և քվեարկել սահմանադրության համար, որպեսզի տապալեն այս խմբի կողմից իրականացվող ահաբեկումը», — ասել է վարչապետի խորհրդական Շերիֆ Շոուկին։
Հիշեցնենք, որ Ալ-Մանսուր քաղաքի ոստիկանության մոտ տեղի ունեցած ահաբեկչության հետևանքով զոհվել է 14 մարդ, ավելի քան 200-ը ստացել են մարմնական վնասվածքներ։
