Կովկասի մուսուլմանների առաջնորդ Ալլահշուքյուր Փաշազադեն նոյեմբերի 1-ին հանդիպել է ադրբեջանական գերության մեջ գտնվող հայ զինվոր Հակոբ Ինջիղուլյանի հետ: Այս մասին տեղեկացնում է APA գործակալությունը:
Նույն աղբյուրի համաձայն` Շեյխուլիսլամն Ինջիղուլյանի հետ հանդիպել է Ամենայն հայոց կաթողիկոս Գարեգին 2-րդի խնդրանքով: Հանդիպմանը ներկա են գտնվել ռուսական ուղղափառ եկեղեցու Բաքվի թեմի առաջնորդ Ալեքսանդր Իշեինը, Ադրբեջանում հրեական համայնքի ղեկավար Մելիք Եվդաևը, Բաքվում կաթոլիկ համայնքի ղեկավար Վլադիմիր Ֆետեկեն:
Հիշեցնենք, որ օգոստոսի 8-ին Ինջիղուլյանը հատել է հայ-ադրբեջանական շփման գիծը և հայտնվել ադրբեջանական զինված ուժերի մոտ:
