ԱԻՆ-ում կորոնավիրուսով վարակվածներ կան. փոխնախարար

Կառավարության մամուլի սրահում տեղի ունեցավ ԱԻՆ նախարարի տեղակալ Արմեն Հարությունյանի մամուլի ասուլիսը:

Կորոնավիրուսի դեմ պայքարի շրջանակներում ԱԻՆ-ի կատարած աշխատանքները ներկայացրեց Արմեն Հարությունյանը:

Նախարարի տեղակալն ասաց, որ հաշվետու ժամանակում ԱԻՆ-ի փրկարար ծառայության  ճգնաժամային ազգային  կենտրոն ստացվել է 1107 ահազանգ՝ կորանավիրուսով պայմանավորված, որոնցից 609 կորոնավիրուսի վարակի ահազանգման, 498 բաձր ջերմության դեպք և հոգեբանական աջակցության 411 դեպք:

Արմեն Հարությունյանն ընդգծեց, որ ԱԻՆ-ի հոգեբանական ծառայությունը անցել է հեռահար աշխատանքի և անհրաժեշտության դեպքում կտրմադրի հոգեբանական աջակցություն:

ԱԻՆ-ը սերտորեն համագործակցում է պետական մյուս կառույցների հետ: Նախարարությունը կապի մեջ է ԱՆ-ի և Ոստիկանության հետ: Փրկարար ծառայությունը ամեն մարզում ունի 10-ական, իսկ Սյունիքում և Երևանում՝ 20-ական աշխատակից:

Մինչ օրս ԱԻՆ-ը իրականացրել է թվով 7376 վարակազերծման աշխատանք: Նախարարության աշխատակիցները ախտահանման լայնածավալ աշխատանքներ են իրկանացնում Երևանում:

Արմեն Հարությունյանն ասաց. «Ցավոք, մեր համակարգում կան կորոնավիրուսով վարակվածներ, քանի որ մեր աշխատակիցները ևս գտնվում են ռիսկային գոտում: Հորդորում եմ պահպանել պարետի որոշուները հետագա բարդություններից խուսափելու համար»:

Հայկ Մագոյան