ԱԺ սոցիալական հարցերի մշտական հանձնաժողովի ՀՀԿ-ական նախագահ Հակոբ Հակոբյանն այսօր «Զբաղվածության մասին» օրինագծի քննարկման ժամանակ շատ կարճ ամփոփիչ ելույթ ունեցավ, որը կառավարության հասցեին ուղղված քննադատություն էր: Նա ընդգծեց, որ զբաղվածության ոլորտն, իրոք, անմխիթար իրավիճակ է:
«Իշխանությունը մեկ խնդիր ունի՝ օգնել, որ ժողովուրդը կարողանա իր աշխատանքով ապրել: Ժողովուրդը մուրացկան չէ, ինչպես փորձում եք ներկայացնել»,- ասաց նա:
Հանձնաժողովի նախագահը նշեց, որ պետք չի ժողովրդի պահանջը բավարարել քիչ փողով: «Պետք է մարդուն տալ փող, որ իր պահանջը բավարարի և կախված չլինի հազար կամ երկու հազար դրամից»,- ասաց Հակոբ Հակոբյանը:
Էմմա Պալյան
