Քիչ առաջ ԱԺ ԲՀԿ խմբակցությունում մեկնարկել է խորհրդարանական ոչ իշխանական խմբակցությունների հերթական խորհրդակցությունը: Խորհրդակցությանը ՀԱԿ-ից մասնակցում են Արամ Մանուկյանը և խմբակցության ղեկավար Լեւոն Զուրաբյանը: «Ժառանգություն»-ից՝ Թեւան Պողոսյանը և Ռուբեն Հակոբյանը , ՀՅԴ-ից` Արմեն Ռուստամյանը և Աղվան Վարդանյանը, իսկ ԲՀԿ-ից Նաիրա Զոհրաբյանը և Վարդան Օսկանյանը: Թե որոնք են լինելու նիստի ընթացքում քննարակվող հիմնական հարցերը, քննարկմանը մասնակից պատգամավորները չեն ցանկացել մանրամասնել:
