Ազգային ժողովը սկսեց Սահմանադրական դատարանի դատավոր Հրայր Թովմասյանի լիազորությունները դադարեցնելու վերաբերյալ ՍԴ դիմելու մասին հարցի քննարկումը:
ԱԺ նախագահ Արարատ Միրզոյանը հայտարարեց, որ հարցի քննարկման ընթացքում ՍԴ նախագահը գլխադասային հանձնաժողովի ներկայացուցչից հետո իրավունք ունի ելույթ ունենալ, պատասխանել հարցերին և վերջում եզրափակիչ ելույթով հանդես գալ, իսկ եթե ՍԴ նախագահը նիստից բացակայում է, ապա հարցը քննարկվում է առանց նրա ներկայության:
«ԱԺ-ն պատշաճ կերպով հրավիրել է այս նիստին մասնակցելու պարոն Թովմասյանին: Նա, ըստ ամենայնի, որոշել է չմասնակցել»,- նշեց Միրզոյանը:
