Ազգային Ժողովն այսօր՝ հոկտեմբերի 24-ին, ընդունեց մի շարք օրինագծեր:
Ի թիվս դրանց, օրենսդիրներն առաջին ընթերցմամբ ընդունեցին «Իմ քայլը» խմբակցության պատգամավոր Վարազդատ Կարապետյանի հեղինակած օրենքի նախագիծը:
Խորհրդարանն այսօր ընդունեց նաև «Լուսավոր Հայաստան» խմբակցության հեղինակած՝ ՀՀ քրեական օրենսգրքում լրացում կատարելու մասին օրենքի նախագիծը՝ երկրորդ ընթերցմամբ և ամբողջությամբ։
«Իմ քայլը» խմբակցության պատգամավոր Գևորգ Պապոյանի ներկայացրած ՀՀ աշխատանքային օրենսգրքում լրացում կատարելու մասին օրենքի նախագիծը ևս ընդունվեց երկրորդ ընթերցմամբ և ամբողջությամբ։ Օրենքի նախագծին դեմ քվեարկեց «Լուսավոր Հայաստան» խմբակցությունը։
Երկրորդ ընթերցմամբ և ամբողջությամբ ընդունվեց ԼՀԿ ներկայացրած «Քրեակատարողական ծառայության մասին» Հայաստանի Հանրապետության օրենքում փոփոխություններ կատարելու մասին և կից ներկայացված օրենքի նախագծերի փաթեթը։
