Աժ-ն արտակարգ դրության պայմաններում շարունակում է իր բնականոն աշխատանքը:
Կենսական նշանակություն ունեցող նախագծերի քննարկումն ու քվեարկումը օրապահանջ է: Հատկապես, երբ հարցը վերաբերում է հարկային օրենսգրքում փոփոխություններին:
«Լուսավոր Հայաստան» խմբակցության կողմից առաջարկվող օրինագծին ԱԺ-ն դեմ քվեարկեց:
Վարման կարգով պատգամավոր Մանե Թանդիլյանն ասաց, որ ստացվում է՝ «Իմ քայլը» խմբակցությունը, համաձայն լինելով օրինագծի չորս կետերին և միայն անհամաձայնություն ունենալով մեկ կետում, ամբողջ նախագծին դեմ քվեարկեց:
Մանե Թանդիլյանին ի պատասխան՝ «Տնտեսական հարցերով մշտական հանձնաժողովի» նախագահ Բաբկեն Թունյանն ասաց, որ հետադարձ ուժի հետ կապված՝ անհամաձայնության հարցերի քննարկումներից հետո նախագծին դրական քվե կտրվի:
Մանե Թանդիլյանը, ԱԺ կանոնակարգ օրենքի համաձայն, առաջարկով հանդես եկավ, որպեսզի այս նախագիծը քննարկվի, մշակվի և կրկին բերվի խորհրդարան:
ԱԺ-ն 115 կողմ քվեով ընդունեց առաջարկությունը:
Հայկ Մագոյան
