Կենտրոն վարչական շրջանի մանկապարտեզներում, արդեն ձևավորված ավանդույթի համաձայն, ընդհանուր ուսումնական ծրագրին զուգահեռ, յուրահատուկ մատուցմամբ երեխաներին ծանոթացնում են ազգային ծեսերին, ժողովրդական երգ ու պարին:
Այդ ամենը մատուցվում է խաղիկներով, ժողովրդական ասացվածքներով ու հանելուկներով համեմված: Մայրաքաղաքի Մանկական զբոսայգում Կենտրոն վարչական շրջանի նախադպրոցական ուսումնական հաստատությունների սաների մասնակցությամբ այս անգամ ներկայացրվել է Նավասարդի տոնը:
Միջոցառման կազմակերպիչները, ինչպես նաև դրան մասնակցող փոքրիկների ծնողները փաստել են, որ նման միջոցառումները կարևոր են, ոչ միայն երեխաների գեղագիտական, այլև մանուկ հասակից հայրենասիրական դաստիարակության առումով:
