Ազատության հրապարակից հիվանդանոցներ են տեղափոխվել 10 քաղաքացի. կա գլխուղեղի վնասվածք եւ դանակահարություն:Այս մասին Araratnews.am-ի թղթակցին տեղեկացրել են ՀՀ առողջապահության նախարարությունից: «Մեր տվյալներով մեկ 16 տարեկան տղա է տեղափոխվել Երեւանի երրորդ հիվանդանոց, որից հետո նրան շտապ բուժօգնության մեքենայով տեղափոխել են Ս. Աստվածամայր բժշկական կենտրոն հետազոտության համար: Տղան գլխի վնասվածք ուներ, նա հոսպիտալացվել է, հիմա հետազոտվում է: 8 ոստիկան տեղափոխվել են Երեւանի տարբեր հիվանդանոցներ»:
Մեր այն հարցին, թե ոստիկանների մեջ կա՞ դանակահարված, ինչպես հաղորդվում էր, առողջապահության նախարարությունից պատասխանել են. «Այո, ասեմ նաեւ, որ եւս երկուսին Գ. Լուսավորիչ հիվանդանոց տեղափոխեցին, նրանցից մեկի վիճակն է բարդ, նա գանգուղեղի վնասվածք ունի»:
Էմմա Պալյան
