Ադրբեջանցի Օրհան Զեյնալովը, ով մեղադրվում է Մոսկվայի Բիրյուլևո շրջանում 25-ամյա Եգոր Շչերբակովին սպանելու մեջ, հայտարարել է, որ սպանել է ռուս երիտասարդին, սակայն դա արել է ինքնապաշտպանվելու համար: Այս մասին հայտարարել է Զեյնալովի փաստաբան Վիկտոր Անուշկինը: ITAR-TASS-ին հայտնի է դարձել, որ այս գործի շրջանակներում իրականացվում են մի շարք փորձագիտական գործողություններ:
Հիշեցնենք, որ հոկտեմբերի 10-ին տեղի ունեցած սպանությունը լուրջ լարվածություն է առաջացրել Մոսկվայում: Ավելացել են հարձակումները ներգաղթյալների վրա, իսկ իշխանություները ձերբակալել կամ արտաքսել են մի քանի հարյուր ներգաղթյալի:
