Ադրբեջանի սահմանը անցած եւ գերի ընկած հայ երիտասարդ Արսեն Խոջոյանին Կարմիր Խաչի միջազգային կոմիտեի ներկայացուցիչները չեն տեսակցել Բաքվում:
«Այս պահին նորություն չունենք: Մենք կապի մեջ ենք մեր կազմակերպության ներկայացուցիչների հետ: Բաքվում նրանք Արդբեջանի իշխանությունների հետ բանակցում են, որպեսզի ստանան գերուն այցելելու թույլտվություն: Դեռեւս որեւ է պատասխան չեն ստացվել»,-ասում է Կարմի խաչի միջազգային կոմիտեի հայաստանյան պատվիրակության հաղորդակցման ծրագրերի ղեկավար Զառա Ամատունին:
Հիշեցնենք, որ 1991 թ-ին ծնված Արսեն Խոջոյանը Վերին Կարմիրաղբյուր գյուղի բնակիչ է: Նա վերջերս գերությունից ազատված 77-ամյա Մամիկոն Խոջոյանի բարեկամն է, ով եւս նույն գյուղի բնակիչ է: Արսեն Խոջոյանը անցել է սահմանը եւ գերի ընկել մարտի 7-ին:
