Ինչպես հաղորդում է Ադրբեջանի պետական սահմանային ծառայությունը (ՊՍԾ)՝ ծառայության ղեկավար, Ադրբեջանի սահմանապահ զորքերի հրամանատար Էլչին Գուլիևն ուրբաթ ընդունել է Թուրքիայի ազգային պաշտպանության նախարարության խորհրդական, գեներալ-լեյտենանտ Օսման Ունլուին:
Հանդիպման ժամանակ նշվել է, որ երկկողմ համագործակցությունը զարգանում է աճող տեմպերով: Հատկապես ընդգծվել է փորձի փոխանակման և ՊՍԾ-ի ու Թուրքիայի զինված ուժերի միջև «համագործակցությանն ուղղված գործողությունների պլանի» շրջանակներում արդյունավետ գործունեության կազմակերպման նշանակությունը:
Քննարկումների ընթացքում տեղեկություն է ներկայացվել Ադրբեջանի պետական սահմանին օպերատիվ իրավիճակի և սահմանի պաշտպանական ենթակառուցվածքների ամրացման աշխատանքների մասին:
