 «Ադրբեջանում նախագահի պատվի և արժանապատվության պաշտպանության մասին նոր օրենքի անրաժեշտություն կա»,- երկուշաբթի օրը հայտարարել է Միլի Մեջլիսի (խորհրդարան) փոխխոսնակ Զիյաֆեթ Ասկերովը նստաշրջանի առաջին նիստում։ Այս մասին հաղորդել է trend.az պարբերականը:
Նշենք, որ խոսքը վերաբերում է Ադրբեջանի նախագահական ընտրությունների քարոզարշավի ընթացում Ադրբեջանի նախագահ Իլհամ Ալիևի հասցեին ուղղված վիրավորանքներին ու քննադատություններին:
«Ադրբեջանի նախագահին քարոզարշավ պետք չէ, նրա նախորդ նախագահական ժամկետի ընթացքում գրանցված հաջողությունները ավելին քան ցայտուն են»,- ավելացրել է Ասկերովը:
Հիշեցնենք, որ Ադրբեջանում նախագահական ընտրությունները կանցկացվեն հոկտեմբերի 9-ին: |
