Լեգենդար ԱԲԲԱ խմբի անդամ Բյորն Ուլվեուսը հերքել է գալիք տարվա ընթացքում խմբի վերամիավորման մասին ինֆորմացիան:
Մենք ուղղակի չենք զգում այդ անելու անհրաժեշտությունը: Անսպասելի կերպով բեմ վերադառնալը դարձել է շատ մոդայիկ: Այս պահին ես չգիտեմ եւ ոչ մի խումբ, որոնք երգում էին 80-ականներին, որոնք այժմ ելույթ չեն ունենում. ասել է Բյորնը:
Վերամիավորման մասին լուրերը հերքել է նաեւ խմբի մյուս անդամ` կոմպոզիտոր Բեննի Անդերսոնը, որը շվեդական Dagens Nyheter թերթին ասել է, որ նման բան իրեն հայտնի չէ:
2014 թվականին կլրանա ԱԲԲԱ խմբի Waterloo երգի կատարման 40 տարին, հենց այդ երգը խումբը կատարեց Եվրատեսիլ մրցույթի ժամանակ եւ հենց այդ երգով նրանց ճանաչեց աշխարհը:
