Լիբիայի նախկին առաջնորդ Մուամար Քադաֆին իր պալատներում ունեցել է արական և իգական սեռի ստրուկներ, որոնց թվում եղել են նույնիսկ 14-ամյա երեխաներ: Այս մասին հաղորդում է BBC-ն:
Ըստ BBC-ի հաղորդած տեղեկությունների` Քադաֆին երիտասարդ տղաներին ու աղջիկներին ընտրում էր դպրոցներում և համալսարաններում, իսկ հետո նրանց առևանգում էին նրա թիկնապահները և տանում Տրիպոլիի համալսարանում առկա հատուկ գաղտնի վայրը կամ նրա բազմաթիվ պալատներից մեկը:
Սեռական եւ գինեկոլոգիական զննություններ անցնելուց հետո նրանք բերվում էին Քադաֆիի մոտ:
BBC-ն նշում է մի կնոջ անուն, ով եղել է Քադաֆիի գերիներից։ Նա պատմել է, որ իրեն տարել են բռնապետի որջ, որտեղ կին զինվորներին հրամայվել է նախապատրաստել նրան:
Այդ կնոջը ստիպել են վառ գույներով շպարվել և բաց շրջազգեստ հագնել: Քադաֆին 7 տարիների ընթացքում բազմաթիվ անգամներ բռնաբարել է նրան։ Եվ մի գեղեցիկ օր կինը կարողացել է փախչել:
Մեկ այլ ականատես պատմում է, որ Քադաֆիի թշնամիների մարմինները սառեցվում էին, որպեսզի Քադաֆին միշտ տեսներ:
«Նա այցելում էր իր զոհերին, նրանք բոլորը սարսափելի հուշանվերներներ էին նրա համար, մի քանիսի դիակներն անգամ պահում էր՝ որ նա կարողանա էր նայել, ձեռք տալ»,- պատմել են ականատեսները:
