Հռոմի պապ Ֆրանցիսկոսը մտադիր է հրապարակել Վատիկանի արխիվի գաղտնի փաստաթղթերը, որոնք կապված են Հոլոքոստի ժամանակ Կաթոլիկ եկեղեցու գործունեության հետ: Այս մասին հայտնում է իտալական ANSA գործակալությունը՝ հղում անելով The Sunday Times բրիտանական թերթին:
Ինչպես բրիտանական թերթին հաղորդել է Ֆրանցիսկոսի ընկեր ռաբի Աբրահամ Սկորկան, խոսքը մասնավորապես Պիոս XII պապի կողմից հրեաներին ցույց տված օգնության մասին է: Երկրորդ համաշխարհային պատերազմի տարիներին կաթոլիկ եկեղեցին թաքցնում էր հրեաներին նացիստներից և նրանց կեղծ անձնագրեր էր տալիս:
