Volvo-ի գովազդային հանրահայտ տեսահոլովակը, որում նկարահանվել է դերասան Ժան Կլոդ վան Դամը, բավականին եկամտաբեր ձեռնարկ է դարձել: Բանն այն է, որ շնորհիվ YouTube-ում բազմամիլիոնանոց դիտումների` շուրջ 5 մլն դոլար բյուջեով տեսահոլովակը այն ստեղծողների համար ապահովել է 170 մլն դոլարի եկամուտ: Այս մասին հաղորդում է ITAR-TASS գործակալությունը:
Տեսահոլովակը դիտել է, ընդհանուր առմամբ, 70 մլն մարդ: Այն դարձել է մեքենաների գովազդի պատմության ընթացքում ամենադիտված հոլովակը, ինչի արդյունքում համացանցում հայտնվել են այս գովազդի բազմաթիվ հումորային նմանակումներ, որոնք նույնպես բազմաթիվ դիտումներ են ունեցել:
