Սիրիայի հարցով ՄԱԿ-ի և Արաբական երկրների լիգայի բանագնաց Լախդար Բրահիմին ինքն է որոշել չեղյալ հայտարարել «Ժնև-2» համաժողովի շրջանակներում Սիրիայի կառավարության և ընդդիմության միջև կայանալիք հերթական հանդիպումը։ Այս մասին հայտնում է «Ալ-Արաբիան»։
«Չի կարելի մեղադրել կողմերից որևէ մեկին. ես եմ որոշել չեղյալ հայտարարել երեկոյան հանդիպումը։ Ոչ մի կողմից որևէ ճնշում չի եղել։
Հետաձգման պատճառն այն է, որ սիրիական կառավարական պատվիրակությանը մտածելու համար ժամանակ է հարկավոր։ Կողմերը հաստատել են, որ մտադիր են Ժնևում մնալ մինչև հունվարի 31-ը՝ նախնական պայմանավորվածության համաձայն», — ասել է Բրահիմին։
