Կիևի Գրուշևսկի փողոցում տեղի ունեցած բախումների արդյունքում զոհվածների մարմիններից այսօր բժիշկները հանել են փամփուշտները։
«Ուկրաինսկայա պրավդան», հղում կատարելով իր աղբյուրներին, հաղորդել է, որ Ուկրաինայի քաղաքացի, ազգությամբ հայ Սերգեյ Նիկոյանը եղել է Եվրոմայդանի ակտիվիստներից մեկը։ Նա հրազենային վնասվածք է ստացել վզի և գլխի հատվածում։
Ըստ բժիշկների՝ զոհվածների մարմիններից հայտնաբերել են դիպուկահար հրացանից և ատրճանակից արձակված տարբեր տրամաչափերի փամփուշտներ։
Ինչպես հայտնում է «Լիցան», Սերգեյը Կիև էր ժամանել Դնեպրոպետրովսկից դեկտեմբերի 8-ին։ Դրանից առաջ նա կողմնակիցներ էր փնտրում իր հարազատ քաղաքում։ Սակայն ուկրաինացի ժողովրդի իրավունքների համար պայքարողներ Դնեպրոպետրովսկում այդպես էլ չի կարողացել գտնել։
Սերգեյը Կիև գնալուց առաջ ծնողներին ոչինչ չի հայտնել, և միայն Կիև հասնելուց հետո է զանգահարել նրանց։ Եվրոմայդանի շտաբ մտնելուն պես հայտարարել է. «Սա նաև իմ ապագան է։ Ես պետք է ապրեմ այս երկրում»։
