Ռեալը բողոքարկելու է Ռոնալդուի որակազրկումը

Մադրիդի «Ռեալը» պատրաստվում է բողոքարկել Իսպանիայի առաջնության 22-րդ տուրի Բիլբաոյի «Ատլետիկի» հետ խաղում (1։1) թիմի հարձակվող Կրիշտիանո Ռոնալդուի հեռացումը։

Բացի այդ, մադրիդյան ակումբը ներկայացնելու է փաստաթղթեր, որոնցում ասվելու է, որ ոչ ոք չի կարող ապացուցել, որ կարմիր քարտ ստանալուց հեռո պորտուգալացի ֆուտբոլիստի ժեստերն ուղղված են եղել եզրային մրցավարի հասցեին։ Հաղորդում է Marca-ն։

Հիշեցնենք, որ աշխարհի 2013 թվականի լավագույն ֆուտբոլիստը խաղադաշտից հեռացվել է այն բանից հետո, երբ ձեռքով դիպչել է Կարլոս Գուրպեգիի դեմքին։