Ռաֆայել Նադալը ճանաչվել է Իսպանիայի լավագույն մարզիկ

Աշխարհի թիվ մեկ ռակետ, ATP վարկանիշային աղյուսակի առաջին հորիզոնականը զբաղեցնող իսպանացի Ռաֆայել Նադալը El Mundo Deportivo-ի վարկածով ճանաչվել է Իսպանիայի՝ 2013 թվականի լավագույն մարզիկ։

Մրցանակաբաշխությունը տեղի է  ունեցել Բարսելոնայում։ Տարվա լավագույն մարզուհու տիտղոսը նվաճել է լողորդուհի Միրեա Բելմոնտ Գարսիան, ով Եվրոպայի առաջնությունում նվաճել էր ոսկե չորս մեդալ։