Ուկրաինայի խորհրդարանը երեկ ուշ երեկոյան ընդունել է մի օրենք, որով ներում է շնորհվում Կիևի կենտրոնում ոստիկանության հետ բախումների ժամանակ ձերբակալված բոլոր ցուցարարներին, բացի նրանցից, ովքեր ծանր հանցագործությունների հեղինակ են։ Այս մասին հաղորդում է RIA-Novosti գործակալությունը։
Այս որոշմանը կողմ է քվեարկել 232 պատգամավոր՝ անհրաժեշտ 226-ի փոխարեն։ Այս օրենքն ուժի մեջ կմտնի միայն այն ժամանակ, երբ ցուցարարաներն ազատեն Կիևի կենտրոնում գրավված կառավարական շենքերն ու շրջանային խորհուրդների շինությունները։
Ընդդիմությունը հայտարարել է, որ այս օրենքն ընդունվել է խախտումներով, և իրենք մտադիր չեն կատարել դրա պահանջները և ենթարկվել այդ օրենքին։
