Կանադացի երգիչ Ջասթին Բիբերը հանձնվել է ոստիկանությանը։ Այս մասին հաղորդում է CNN-ը։ Սպասվում է, որ Բիբերը կձերբակալվի լիմուզինի վարորդին ծեծի ենթարկելու մեղադրանքով։
Այս միջադեպը տեղի էր ունեցել անցած տարվա վերջին։ Բիբերը մեղադրվում է նաեւ նախորդ շաբաթ անսթափ վիճակում մեքենա վարելու համար՝ իրավապահները կասկածում են, որ նա մեքենան վարել է թմրանյութերի և ալկոհոլի ազդեցության տակ։ Կանադացի երգիչը ձերբակալության ժամանակ դիմադրություն է ցուցաբերել։
Հիշեցնենք նաև, որ Սպիտակ տան կայքում տեղադրված պահանջագրի տակ, որով կոչ էր արվում ԱՄՆ-ից արտաքսել Բիբերին, ստորագրել է ավելի քան 100 հազար մարդ։
