Պրահայի իշխանությունները հրաժարվել են մասնակցել Ուկրաինայի նախագահ Վիկտոր Յանուկովիչի պաշտոնական այցի նախապատրաստական աշխատանքներին։ Չեխիայի մայրաքաղաքի ղեկավար Թոմաշ Գուդեչեկն ասել է, որ չի ցանկանում Յանուկովիչին տեսնել իր քաղաքում։ Այս մասին հաղորդում է «Ազատություն» ռադիոկայանը։
«Անհեթեթ է, որ հենց Յանուկովիչը վայրէջք կատարի այս օդանավակայանում, որը կրում է Վացլավ Հավելի անունը»,- ասել է քաղաքապետը։ Եթե ապրիլին կայանալիք այցն ի վերջո տեղի ունենա, ապա քաղաքապետը չի հրավիրի Յանուկովիչին քաղաքային խորհուրդ, ինչպես սովորաբար տեղի է ունենում օտարերկրյա ղեկավարների պաշտոնական այցի ժամանակ։
Յանուկովիչի այցի դեմ հանդես են գալիս նաև մի քանի տասնյակ հասարակական-քաղաքական, մշակույթի գործիչներ, պաշտոնյաներ։ Դրա փոխարեն Գուդեչեկը որոշել է Մայդանին փոխանցել շուրջ 20 հազար ԱՄՆ դոլար օգնություն։
