Ռուսաստանի Դաշնության նախագահ Վլադիմիր Պուտինի մամուլի խոսնակ Դմիտրի Պեսկովը չի բացառել, որ Սոչիում ՌԴ նախագահը, հնարավոր է, հանդիպի Վրաստանի իր գործընկեր Գեորգի Մարգվելաշվիլու հետ, ով ժամանելու է Օլիմպիական խաղերի բացմանը: Այս մասին հաղորդում է RIA-Novosti-ն:
Պեսկովն ասել է, որ Պուտինը նաև կհանդիպի Ուկրաինայի նախագահ Վիկտոր Յանուկովիչի հետ: Ուկրաինացի փորձագետները կարծիք են հայտնում, որ Յանուկովիչը Պուտինի հետ քննարկելու է ներուկրաինական ծանր ճգնաժամից դուրս գալու հնարավոր տարբերակներն ու նոր վարչապետի թեկնածությունը:
